Avtomobilinizin qaralmış faralarını təmizləməyin ən ucuz yolu
İdarə etdiyiniz avtomobilin təmizliyi önəmli məsələdir. Xüsusilə onun faraları (ön və arxa işıqlar) təmiz olmasa, sizin üçün problem yarana bilər.
Avtomobilin faraları zaman keçdikcə sönür, yanır və parlaqlığını itirir. Bu isə gecə və ya pis hava şəraitində avtomobillə təhlükəsiz hərəkət etməyə maneə yaradır. Avtoyuma məntəqələrində ləkələnmiş, parlaqlığını itirmiş faraların təmizlənməsi üçün çox bahalı xidmətlər təklif edilir. Amma çox ucuz vasitələrlə bu problemdən özünüz qurtula bilərsiniz. Zərərli farları təmizləmək üçün belə bir vasitə necə hazırlanır, sizi bununla tanış edəcəyik. Bu vasitəni əldə etmək üçün demək olar ki, hər evdə mütləq olan cəmi 4 inqrediyentə ehtiyacınız olacaq.
Adi sabunun ¼ hissəsi
3 xörək qaşığı diş pastası
yarım limonun suyu
1 xörək qaşığı soda
Bir sabun çubuğunu incə bir sürtgəclə sürtün və ya yüksək temperaturun təsiri altında yumşaldın. Sonra sabuna diş məcunu əlavə edin, limon suyunu sıxın və soda qoyun. Bütün məhlulu homojen bir kütlə əldə olunana qədər yaxşıca qarışdırın. Adi bir qabyuyan süngər götürün - onun kobud tərəfinə ehtiyacınız olacaq. Üzərinə hazırladığınız məhlulu çəkin və faranı yaxşıca silin - fənər tamamilə görünməzdirsə, məhlulu bir neçə dəqiqə sürtmək olar.
Daha sonra bir qədər də məhlul əlavə edib faranı süngərin yumşaq tərəfi ilə sürtün. Bütün bunları etdikdən sonra faranı təmiz dəsmal və ya avtomobilin yuyulması üçün xüsusi yumşaq parça ilə silin. Nəticəni qiymətləndirin - fara tamamilə yuyulmayıbsa, proseduru yenidən təkrarlayın.
