Bayden xəbərdarlıq etdi: Bütün dünya problem içində olacaq
ABŞ prezidenti Co Bayden, federal hökumətin defolta səbəb ola biləcək 31,4 trilyon dollarlıq borc limitinə çatması ilə bağlı açıqlama verib.
AFN.az xarici mediaya istinadən xəbər verir ki, o, ABŞ-ın defolt edəcəyi təqdirdə bütün dünyanın problemlə üzləşəcəyini deyib. Bayden dünya liderlərinin ABŞ-dakı defolt riski ilə maraqlandıqlarını bildirib. "Biz defolt etsək, bütün dünya problemlə üzləşəcək" - deyə o bildirib.
Borc limiti böhranını istehsal böhranı olaraq xarakterizə edən Bayden, ABŞ-ın dünyanın ən güclü iqtisadiyyatı olduğunu və "hesabları" ödəyə biləcəyinə heç bir şübhə olmadığını söyləyib: "Biz məsuliyyətlə xərcləri azaltmalı və lazımsız böhran olmadan kəsiri azaltmalıyıq".
Bayden kredit kartları, avtomobil kreditləri və ipoteka kreditləri üçün daha yüksək faiz dərəcələri, sosial sığorta ödənişlərində gecikmələr və iş yerlərinin itirilməsi ilə nəticələnə biləcək defoltun mümkün nəticələri barədə xəbərdarlıq edib: "İqtisadiyyatımız tənəzzülə uğrayır və beynəlxalq nüfuzumuz ciddi şəkildə zədələnir".
