Böyük Britaniya Ukraynaya AS-90-lar, zirehli transportyorlar və zirehli texnikalar göndərir
Böyük Britaniya Ukraynaya vəd etdiyi AS-90 özüyeriyən artilleriya qurğuları, zirehli personal daşıyıcıları və zirehli maşınlar göndərib.
AFN.az xarici mediaya istinadən xəbər verir i, bu barədə məlumat Böyük Britaniya Müdafiə Nazirliyinin rəis müavini Ceyms Hippinin müxalif Leyboristlər Partiyasından olan kölgə müdafiə naziri Con Hilinin təchizatla bağlı sualına verdiyi yazılı cavabda yer alıb.
Bundan əvvəl Hill "Challenger-2" tanklarının, AS-90 özüyeriyən topların, "Buldog", "Spartan", "Stormer" və M113 zirehli transportyorlarının, həmçinin "Wolfhound", "Mastiff", "Hasky" və "FV104" zirehli maşınlarının Kiyevə təhvil verilməsini təsdiq etməyi xahiş edib. Parlamentin saytında yerləşdirilən məlumatda deyilir: "Sadalanan bütün platformalar çatdırılıb". Həmçinin qeyd edilir ki, köməkçi texnika və əsas texnika üçün dəstək paketləri də Ukraynaya göndərilib.
Bir gün əvvəl Böyük Britaniyanın müdafiə naziri Ben Uolles Londonun Eurofighter Typhoon qırıcılarını Kiyevə köçürmək planının olmadığını açıqlamışdı. Britaniya tərəfi elan edib ki, Qərb hərbi təyyarələrini idarə etmək üçün hərbi pilotların hazırlanmasında Ukraynaya yardım etməyə hazırdır, lakin bu, xeyli vaxt alacaq.
