Lavrov taxıl müqaviləsinin uzadılması ilə bağlı Moskvanın şərtini açıqlayıb
İyulun 17-dək sazişlər paketinin işləmədiyi təqdirdə, Rusiya taxıl müqaviləsini uzatmayacaq.
AFN.az TASS-a istinadən xəbər verir ki, bu barədə Rusiya xarici işlər naziri Sergey Lavrov bildirib.
O, Moskvanın müqavilənin uzadılması şərtini açıqlayıb. "Əgər İstanbul "paketi" iyulun 17-dən əvvəl BMT-nin baş katibi Antoniu Quterreşin təşəbbüsü ilə işə başlamazsa, o zaman daha uzadılmasından söhbət gedə bilməz", - deyə Rusiya XİN rəhbəri vurğulayıb.
Rusiyanın BMT-dəki daimi nümayəndəsi Vasili Nebenzya bildirib ki, taxıl müqaviləsinin uzadılması perspektivi yoxdur. Onun sözlərinə görə, Moskva bəyan edib ki, sazişin sonrakı etibarlılığının şərti beş bəndə əməl olunmasıdır, bunsuz Rusiya ilə BMT arasında anlaşma memorandumunun fəaliyyət göstərməsi mümkün deyil. Lakin bu tələblər yerinə yetirilmir.
