Yapon müxalifəti Kişida hökumətinə etimadsızlıq səsi verəcək
Yaponiyanın müxalifətdəki Konstitusiya Demokratik Partiyasının sədri baş nazir Fumio Kişida hökumətinə etimadsızlıq səsverməsi təklifi vermək niyyətində olduğunu bəyan edib.
"Kyodo" agentliyinin məlumatına görə, partiya iyunun 16-da təkliflə çıxış etmək niyyətindədir. Müxalifət partiyası müdafiə ehtiyacları üçün maliyyə resursları təmin etmək məqsədilə xüsusi fondun yaradılması haqqında qanun layihəsinə qarşı çıxıb.
Fumio Kişida mətbuat konfransında müxbirin parlamentin əsas aşağı palatasının buraxılmasının mümkünlüyü ilə bağlı sualına cavab olaraq, "müxtəlif vəziyyətləri qiymətləndirdikdən sonra qərarlar qəbul etmək niyyətində olduğunu" bir daha bəyan edib.
