Bayden Si Cinpini "diktator" adlandırdı
ABŞ prezidenti Co Bayden Kaliforniyada keçirilən siyasi ianə toplantısı zamanı Çin prezidenti Si Cinpini "diktator" adlandırıb. O, bunu ABŞ dövlət katibi Entoni Blinkenin son səfərinin iki ölkə arasında dağılmış münasibətlərin bərpasında "proqram" əldə etdiyini söyləməsindən bir gün sonra deyib.
AFN.az xəbər verir ki, bu barədə CNN məlumat yayıb.
“Si Cinpinin casus avadanlığı ilə dolu iki balonu vurulanda çox üzülməsinin səbəbi onun orada olduğunu bilməməsidir. Xeyr, mən ciddiyəm. Bu, diktatorlar üçün nə baş verdiyini bilmədiyi zaman ən böyük utancdır" - deyə Bayden bildirib.
ABŞ prezidenti iki ölkə arasında davam edən gərginliyin bəzi aspektlərini də açıqlayıb. Onun sözlərinə görə, Çin lideri hava şarı insidentindən utansa da, onu həqiqətən də üzən Baydenin vəzifəyə gəldikdən bəri dördlük liderlərini - ABŞ, Hindistan, Avstraliya və Yaponiyanı bir-birinə yaxınlaşdırmaq səyləri olub.
"O, mənə zəng etdi və bunu etməməyimi söylədi, çünki bu, onu çətin vəziyyətə salır" - deyə Bayden "açıb sandığı, töküb pambığı". "Biz sadəcə beynəlxalq hava və dəniz nəqliyyatı qaydalarının açıq qalmasına çalışırıq".
Kanal qeyd edir ki, ABŞ prezidentinin bəyanatları ABŞ-Çin münasibətlərində xüsusilə gərgin dövr fonunda səslənib.
Bayden çıxışında Blinkenin əlaqələri düzəltməkdəki işini tərifləyərək, "yaxşı iş gördüyünü" bir daha deyib və əlaqələrin yaxşılaşdırılmasının zaman alacağını söyləyib. O, donorlara deyib ki, ABŞ-ın iqlim üzrə elçisi Con Kerri də ətraf mühitə diqqət yetirməklə tezliklə Çinə səfər edəcək.
Son 5 ildə Pekinə səfər edən ilk ABŞ dövlət katibi olan Blinken bu yaxınlarda Çin paytaxtında Si Cinpin də daxil olmaqla yüksək səviyyəli rəsmilərlə iki günlük görüşlərini başa vurub və bu görüşlər heç bir böyük irəliləyişlə nəticələnməyib. Lakin tərəflər gələcək diplomatik əlaqələri davam etdirmək üçün razılıq əldə ediblər.
