Çindən Baydenin Si Cinpin haqda bəyanatına sərt CAVAB
Çinin Vaşinqtondakı səfirliyi ABŞ prezidenti Co Baydenin Çin prezidenti Si Cinpini diktator adlandıran sözlərinə sərt reaksiya verib.
AFN.az bu barədə CNN-ə istinadən xəbər verir. "Biz Amerika tərəfini mənfi nəticələri aradan qaldırmaq üçün dərhal ciddi addımlar atmağa və öz öhdəliklərinə əməl etməyə çağırırıq. Əks təqdirdə, o, bütün nəticələri öz üzərinə götürməli olacaq" - deyə Çin səfirliyinin bəyanatında deyilir.
Bundan əlavə, bəyanatda Çin xalqı və hökumətinin öz liderinə qarşı siyasi təxribatları qəbul etməyəcəyi və qəti şəkildə cavab vermək niyyətində olduğu bildirilib.
İyunun 20-də Bayden, bu ilin əvvəlində Birləşmiş Ştatlarda uçan hava şarının vəziyyətini müzakirə edərkən, Si Cinpin haqqında "Bu, diktatorlar üçün nə baş verdiyini bilmədiyi zaman böyük utancdır" - deyə səslənmişdi.
