Kosovoda vəziyyətin təhlükəli olmasına imkan verməyəcəyik - Cozef Borrell
"Kosovoda vəziyyət təhlükəli hala gəlib, lakin biz buna dözməyəcəyik".
AFN.az xəbər verir ki, bunu Avropa İttifaqının (Aİ) Xarici əlaqələr və təhlükəsizlik siyasəti üzrə ali Nümayəndəsi Cozef Borrell deyib. "Biz Kosovonun şimalındakı vəziyyətdən çox narahatıq: Kosovo serblərinin məhkəməsiz həbsi; Kosovo Təhlükəsizlik Qüvvələrinin əsgərlərinin Mitrovitsanın cənubuna doğru yürüş etməsi, ardınca Serbiyanın ağır ritorikası", - deyə Borrell Twitter hesabında bildirib.
Dünən Serbiya və Kosovo liderləri ilə Brüsseldə keçirdiyi görüşə baxmayaraq, gərginliyin davam etdiyini müşahidə etdiyini bildirən Borrell vəziyyətin təhlükəli hala gəldiyini bildirib.
Kosovo polisi mayın 29-da kosovo serbini NATO-nun Kosovodakı Sülhməramlı Qüvvələrinə (KFOR) hücumun təşkilatçılarından biri olduğu əsası ilə saxlayıb.
Əksəriyyəti albanların yaşadığı Mitrovitsanın cənub bölgəsində Kosovo Təhlükəsizlik Qüvvələrinin 200-ə yaxın əsgərinin yürüşü sosial mediada "FSK ölkənin şimalına gedir" iddiası ilə paylaşılarkən, müdafiə naziri Armend Mehaj yürüşün adi bir kondisioner məşqi olduğunu bildirib.
