Cənubi Koreya Fukusimadakı radioaktiv çirkab suları üzərində radiasiya sınaqlarını artıracaq
Cənubi Koreya Yaponiyanın Fukusima Atom Elektrik Stansiyasından radioaktiv tullantı sularının axıdılması planına qarşı ehtiyat tədbiri olaraq dənizdə fövqəladə radiasiya sınaqları zonalarını 92-dən 200-ə qaldıracağını açıqlayıb.
"Yonhap"ın xəbərinə görə, Cənubi Koreyanın okeanlar və balıqçılıq nazirinin müavini Park Sung-hoon bildirib ki, fövqəladə radiasiya sınağı çərçivəsində Cənubi Koreya şərq, qərb və cənub dənizlərindən, o cümlədən Ceju adası və onun ucqar ərazilərindən nümunələr toplayacaq.
Park 92 fövqəladə radiasiya test sahəsinə sahib olduqlarını və radiasiya səviyyələrini izləmək üçün sınaq sahəsinə 108 sahil bölgəsini əlavə etdiklərini açıqlayıb.
Cənubi Koreya radiasiya testlərini həyata keçirmək üçün normal olaraq istifadə etdikləri iki aylıq müayinə üsulları yerinə daha sürətli nəticə verən sürətli analiz metodunu tətbiq edəcək. Bu testlərin nəticələrinin 4 günə alına biləcəyini deyən Park, nəticələri hər gün açıqlayacaqlarını qeyd edib.
Nazir müavini son radiasiya testindən əldə edilən məlumatlara görə, ölkənin 20 ən böyük dənizinin tullantılardan azad olduğunu açıqlayıb.
Cənubi Koreya iyun ayında okean sularında 92 məntəqədə radiasiya sınaqları keçirməyə başlayıb.
