KİV: Avropa İttifaqı Çinin ən böyük layihəsindən uzaqlaşır
Avropa ölkələri 2013-cü ildə Çin sədri Si Cinpinin təşəbbüsü ilə həyata keçirilən "Bir kəmər, bir yol" irimiqyaslı infrastruktur layihəsi çərçivəsində Pekinlə əməkdaşlığı inkişaf etdirməyə tələsmir.
AFN.az xəbər verir ki, bu haqda Amerikanın "The Wall Street Journal" onlayn nəşri məlumat yayıb. Bəzi ekspertlər hesab edirlər ki, “Bir Kəmər və Yol” Təşəbbüsü Çin tərəfindən maliyyələşdirilən dəmir yolları, yollar, boru kəmərləri və Asiyanı Avropa, Afrika və Latın Amerikası ilə birləşdirəcək limanların tikintisinə 1 trilyon dollar (907 milyard avro) cəlb edəcək. Bu layihənin məqsədi təkcə beynəlxalq ticarət əməkdaşlığının inkişafı deyil, həm də Çinin qlobal iqtisadi təsirinin gücləndirilməsidir. WSJ-nin məlumatına görə, bu, ABŞ-ın müharibədən sonrakı “Marşal planı” proqramının maliyyələşdirilməsi baxımından xeyli üstələyən və bu gün analoqu olmayan dünyanın ən böyük infrastruktur proqramıdır.
“Hələ beş il əvvəl Çin sürətlə inkişaf etməkdə olan ölkələrdən layihəyə yeni üzvlər cəlb edir və "Bir kəmər, bir yol" layihəsi Avropa limanları və dəmir yolları vasitəsilə malların daşınması ilə İtaliya, Yunanıstan və Çexiya daxil olmaqla, Vaşinqtonla daha sıx əlaqədə olan varlı ölkələrə nüfuz edirdi. Lakin indi bu ölkələrin bir çoxu layihədən uzaqlaşır, Avropa isə Çindən iqtisadi asılılığını azaltmağa çalışır".
Nəşrin məlumatına görə, nə Fransa prezidenti Emmanuel Makron, nə də Almaniya kansleri Olaf Şolz hazırda 2023-cü ildə keçiriləcək “Bir kəmər və yol” forumunda iştirak etməyi planlaşdırmırlar. İtaliya Çin təşəbbüsünə qoşulan yeganə G7 ölkəsidir. "Lakin İtaliyanın hökumət başçısı Corc Meloni bu il foruma getməyəcək" - deyə, WSJ yazır.
Öz növbəsində "Politico" nəşri bildirir ki, Meloni 2019-cu ildə ölkəsinin layihəyə qoşulması qərarını “böyük səhv” adlandırıb.
Layihəyə müvafiq olaraq 2018 və 2015-ci illərdə qoşulan Yunanıstan və Çexiya da bu il “Bir kəmər, bir yol” Forumuna öz nümayəndələrini göndərmək niyyətində deyil. Daha bir ölkə - İsveçrə Xarici İşlər Nazirliyi bu məsələ ilə bağlı hələ qərar vermədiklərini qeyd edib. Qəzet yazır ki, Avropa liderlərinin foruma getmək istəməməsinin səbəblərindən biri Rusiya prezidenti Vladimir Putinin forumda iştirakı ola bilər.
