Tramp yenidən hakimiyyətə gəlsə NATO-nu dağıdacaq - Con Bolton
Əgər ABŞ-ın keçmiş prezidenti Donald Tramp 2024-cü il prezident seçkilərində qalib gəlsə, o, ölkəni "çox yaxşı şəkildə" NATO-dan çıxara, alyansın mövcudluğunu təhlükə altına ala və ölkə üçün kabusa çevrilə bilər.
AFN.az xarici mediaya istinadən xəbər verir ki, bunu Ağ Evin keçmiş milli təhlükəsizlik müşaviri Con Bolton deyib.
Bolton Trampın siyasətinə üstünlük verənləri də tənqid edib. Onun fikrincə, o, qərarlar qəbul edərkən əsasən özü üçün faydaya əsaslanır. Keçmiş milli təhlükəsizlik müşaviri Trampın 2024-cü ildə mümkün prezidentliyinin mənfi nəticələri barədə xəbərdarlıq edib.
O, 2017-2021-ci illərdə Ağ Evin sahibi olanda Amerika mediası dəfələrlə Trampın NATO-dan çıxmaq istədiyini yazıb. O, həqiqətən də tez-tez təşkilatı və üzvlərini silahlı qüvvələrin inkişafına sərmayə qoymadıqlarına, Vaşinqtondan müdafiəyə ümid etdiklərinə görə tənqid edirdi.
