Ekvadorda prezidentliyə namizədi öldürən şəxslərdən 6-sı həbs edilib, biri güllələnib
Ekvador polisi Ekvador prezidentliyinə namizəd Fernando Villavisensionun qətli ilə bağlı 6 Kolumbiya vətəndaşının həbs edildiyini açıqlayıb.
Prezidentliyə namizədə atəş açan daha bir kolumbiyalı Villavisensionun mühafizəçiləri tərəfindən güllələnib.
BBC-nin məlumatına görə, atışma zamanı bir konqres namizədi və iki polis məmuru da daxil olmaqla 9 nəfər yaralanıb.
Ekvadorun daxili işlər naziri Xuan Zapata qətlin ortaqlarının mütəşəkkil cinayətkar qruplar olduğunu desə də, bunların hansılar olduğunu açıqlamayıb.
Prezident Lasso da siyasətçinin qətlində mafiyanı günahlandırıb.
“Bu, siyasi sui-qəsddir və biz şübhə etmirik ki, bu sui-qəsd seçki prosesini pozmaq cəhdidir”.
Fövqəladə vəziyyətə baxmayaraq, Lasso 20 avqust seçkilərini ləğv etməyib.
