ECOWAS Nigerin 3 illik keçid hökuməti planını rədd edib
Qərbi Afrika Dövlətlərinin İqtisadi Birliyi (ECOWAS) iyulun 26-da Nigerdə hakimiyyəti ələ keçirən hərbi hökumətin 3 illik keçid hökuməti planını rədd edib.
ECOWAS-ın Siyasi Məsələlər, Sülh və Təhlükəsizlik üzrə komissarı Abdel-Fatau Musah BBC-yə müsahibəsində bildirib ki, keçid hökumətinin lideri Abdurrahmane Tçianinin 3 illik keçid planı Vətənin Müdafiəsi üzrə Milli Şura adlanır və Nigerdə qəbuledilməzdir.
Tçianinin təklifinin dialoq və diplomatiya üçün yalnız "tüstü pərdəsi" olduğunu qeyd edən Musah, "ECOWAS bölgədə yenidən uzunmüddətli keçidi qəbul etmir. Hakimiyyəti ən qısa zamanda təhvil verməyə hazır olmalıdırlar" - deyə qeyd edib.
Musah deyib ki, hərbçilər hökuməti mülki şəxslərə nə qədər tez qaytarsa və Nigerin ərazi bütövlüyünü müdafiə etmək kimi əsas vəzifələrinə diqqət yetirsə, bir o qədər yaxşıdır.
Abdurrahman Tçiani avqustun 19-da xalqa müraciətində mülki idarəçiliyə keçidin ən çox 3 il ərzində tamamlanacağını açıqlamışdı.
