San-Fransisko Baş yeparxiyası uşaq istismarı iddiaları ilə bağlı iflasını elan edib
ABŞ-ın San-Fransisko Roma Katolik Baş Yeparxiyası, ona qarşı 500-dən çox uşaq istismarı iddiasına görə iflas elan etdiyini açıqladı.
Arxiyepiskop Salvatore Kordileone verdiyi açıqlamada iflas ərizəsinin arxeparxiyaya qarşı bütün maliyyə hüquqi hərəkətlərini dayandıracağını və beləliklə, qurbanlarla "barışıq planının" hazırlanmasına imkan verəcəyini deyib.
Baş yepiskopluğun bütün sui-istifadə halları ilə məşğul olmaq üçün kifayət qədər maliyyə imkanlarının olmadığını ifadə edən Cordileone, "Qurbanlara ədalətli təzminat təmin etmək üçün iflas prosesinin ən yaxşı həll yolu olduğu qənaətinə gəldik" - deyə bildirib.
Uşaq istismarı ilə bağlı 500-dən çox iddianın böyük əksəriyyətinin 30 və ya daha çox il əvvəl baş verdiyini qeyd edən Kordileone cinayətkarların artıq fəaliyyət göstərməyən və ya ölən keşişlər olduğunu deyib.
Cinsi zorakılığa məruz qalanlar isə iddia edirlər ki, iflas üçün müraciət etmək informasiyanın məxfi saxlanılması üçün taktikadır.
Cinsi zorakılığın 125-dən çox qurbanını təmsil edən vəkil Jeff Anderson Kordileonenin həqiqətdən qaçmaq üçün hər vasitədən istifadə edəcəyini bildirib.
"Kordileone arxeparxiyadakı cinayətkarların şəxsiyyətini inkar edir. O, Kaliforniya Uşaq Qurbanları Qanununu ləğv etmək üçün qanunvericilik manevrləri ilə məşğul olur və indi iflasın arxasında gizlənərək həqiqəti gizlətmək üçün son səy göstərir" - deyə vəkil qeyd edib.
