Almaniyada şirkətlər sürətlə müflisləşir: 20,5 faizlik artım var
Almaniyada iqtisadi yavaşlama və artan kredit faizləri səbəbindən müflis olan şirkətlərin sayı bu ilin ilk yarısında 2022-ci ilin eyni dövrü ilə müqayisədə 20,5 faiz artaraq 8 min 571-ə çatıb.
Almaniya Federal Statistika İdarəsinin (Destatis) verdiyi açıqlamaya görə, bu ilin ilk yarısında ölkədə 8 min 571 müəssisə iflas elan edib. 2022-ci ilin eyni dövrü ilə müqayisədə iflaslar 20,5 faiz artıb.
Sözügedən dövrdə 10 min şirkətə əsaslanaraq, Almaniyada ilin ilk yarısında cəmi 25,3 iflas yaşanıb. Ən çox iflas 54,1 hadisə ilə nəqliyyat və anbar sektorunda qeydə alınıb. Bu göstəricini 41,3 hal ilə müvəqqəti məşğulluq agentlikləri də daxil olmaqla digər xidmət sektoru təqib edib.
Ən az iflas edən sektor 2,4 hadisə ilə enerji təchizatı sektoru olub.
Şirkətlərin iflas iddiaları ilə bağlı kreditorlara ödənilməsi gözlənilən borc ilk yarıda 13,9 milyard avro olaraq qeyd edilib. Sözügedən borc 2022-ci ilin yanvar-iyun dövründə təxminən 8,2 milyard avro olub.
Yanvar-iyun dövründə korporativ iflaslarla yanaşı, 33 min 140 borclu da müflis olmaq üçün müraciət edib. Sözügedən rəqəm 2022-ci ilin eyni dövrü ilə müqayisədə 1,9 faiz azalıb.
Məlumatlara görə, avqust ayında iflas müraciətləri keçən ilin eyni dövrü ilə müqayisədə 13,8 faiz artıb.
Halle İqtisadi Tədqiqatlar İnstitutunun (IWH) Struktur Dəyişikliyi və Səmərəlilik Departamentinin rəhbəri Steffen Müller artan risklərə baxmayaraq, iflas dalğasının görünmədiyini vurğulayıb: “Çoxsaylı iqtisadi böhran fonunda problemlər və qeyri-müəyyənlik, yaxın bir neçə ayda əvvəlki illə müqayisədə daha çox iflasların olacağı gözlənilir”.
Almaniya iqtisadiyyatı artan faiz dərəcələri, zəif qlobal iqtisadiyyat və yüksək inflyasiya səbəbindən üç rüb ardıcıl olaraq inkişaf edə bilməyib. İqtisadiyyat ötən ilin son rübündə 0,4 faiz, ilin birinci rübündə isə 0,1 faiz kiçildiyi halda, ilin ikinci rübündə inkişaf edə bilməyib.
Son illərdə COVID-19 pandemiyası, tədarük zəncirinin pozulması və Rusiya-Ukrayna müharibəsi kimi çoxsaylı böhranlar Almaniya iqtisadiyyatının zəif tərəflərini üzə çıxarsa da, bir çox ölkə, xüsusilə də Çin, getdikcə daha çox Almaniyadan idxal olunan mallar istehsal edir və faiz dərəcələrini artırır.
