Pakistanda hərbi konvoya hücum: 6 nəfər öldü
Pakistanın Hayber Paxtunxva əyalətində hərbi konvoya hücum olub. Hadisə nəticəsində 6 əsgərin həyatını itirdiyi, qarşıdurmada 4 yaraqlının zərərsizləşdirildiyi açıqlanıb.
Pakistan ordusundan verilən açıqlamada ölkənin Əfqanıstanla sərhədində yerləşən Cənubi Vəziristan bölgəsində hərbi konvoya hücum edildiyi bildirilib.
Baş verən qarşıdurmada 4 silahlı öldürülüb, 2 yaraqlı isə yaralanıb.
Hücum edənlərin tutulması üçün bölgədə əməliyyat başladılıb.
Hücuma görə məsuliyyəti Əfqanıstanda yerləşən Pakistan Talibanı (TTP) öz üzərinə götürüb.
