Kim Çen In baş naziri daşqınlarla bağlı məsuliyyətsiz davranışda ittiham edib
Şimali Koreya lideri Kim Çen In baş nazir Kim Tok Hun da daxil olmaqla yüksək səviyyəli rəsmiləri ölkədəki daşqınlara qarşı “məsuliyyətsiz” davranmaqda ittiham edib.
Şimali Koreyanın rəsmi xəbər agentliyi olan Koreya Mərkəzi Xəbər Agentliyinin (KCNA) xəbərinə görə, nəticəli bir tədbir olmadığı üçün dəniz suyunun 270 hektar çəltik sahəsi də daxil olmaqla 560 hektar ərazini su basdığı bildirilib.
Şimali Koreya lideri Kim sel suları altında qalan 270 hektara yaxın çəltik sahəsinə baş çəkdikdən sonra etdiyi çıxışda baş nazir və məmurları “məsuliyyətsiz və itaətsiz” adlandırıb.
Şimali Koreyanın baş naziri Kim Tok Hunu daşqının yaratdığı problemlərə "tamaşaçı kimi baxdığı" üçün tənqid edən Kim, baş nazirin müavinlərdən birini bölgəyə göndərdiyini və deputatın yalnız "yanacaq təminatçısı" kimi fəaliyyət göstərdiyini qeyd edib.
Kim həmçinin bildirib ki, bir direktor ərazidəki işlərə sərf olunan yanacağın miqdarını gizlədib.
