Avstraliya təcili xilasetmə əməliyyatı ilə Antarktika qalan tədqiqatçısını xilas edib
Avstraliya Antarktidanın Beyli yarımadasının şimalında yerləşən Keysi Araşdırma Stansiyasında səhhəti pisləşən tədqiqatçını təcili xilasetmə əməliyyatı ilə xilas edib.
Avstraliya Antarktika Proqramı (AAP) stansiyada çalışan tədqiqatçının təxliyyəsi üçün sentyabrın 2-də başladılan fövqəladə xilasetmə əməliyyatı ilə bağlı açıqlama verib.
Açıqlamaya görə, əməliyyat çərçivəsində istifadə edilən "RSV Nuyina" buzqıran gəmisi keçən həftə Avstraliyadan 3 min kilometrdən çox cənubda yol keçərək stansiyadan 144 kilometr uzaqlıqdakı bir yerə çatıb.
Şəxsi həyatını qorumaq üçün adı və sağlamlıq vəziyyəti açıqlanmayan tədqiqatçının gələn həftə Avstraliyaya gəlməsinin gözlənildiyi, Antarktidadakı araşdırma stansiyalarında çalışan digər bütün insanların təhlükəsiz olduğu bildirilib.
AAP rəsmiləri sentyabrın 2-də Antarktidadakı üç daimi Avstraliya tədqiqat stansiyasından biri olan Casey Tədqiqat Stansiyasında bir tədqiqatçının "sağlamlığının pisləşməsi" üçün mütəxəssis müalicəsinə ehtiyacı olduqda təcili xilasetmə əməliyyatına başlanıldığını elan edib.
