İnterpol rəhbəri pulsuzluqdan şikayətlənib
İnterpolun baş katibi Yurgen Stok “Politico”ya müsahibəsində təşkilatın maliyyə çətinlikləri yaşadığından şikayətlənib.
“Problemlər böyükdür. Mən deyə bilmərəm ki, bizim kifayət qədər resursumuz var”, - deyə Stok təşkilatın 100 illik yubileyi münasibətilə verdiyi müsahibədə bildirib.
O, həmçinin qeyd edib ki, İnterpol cinsi istismar, narkotik vasitələrin qanunsuz dövriyyəsi və kibercinayətlərlə bağlı çoxsaylı cinayətlərin araşdırılması zərurəti ilə üzləşib. Bununla belə, təşkilat az miqdarda olan əhəmiyyətli kapital qoyuluşları tələb edir.
Baş katibin sözlərinə görə, beynəlxalq iqtisadi tənəzzül və enerji böhranı təşkilatın maliyyələşdirilməsinə əsas maneədir. O əlavə edib ki, yeni məlumatların toplanması və biometrik analiz sistemlərinin dəstəklənməsi üçün on milyonlarla avro tələb olunur.
