NASA çoxdan gözlənilən UFO hesabatını açıqladı
ABŞ Aeronavtika və Kosmik Tədqiqatlar Agentliyi (NASA) naməlum uçan obyektlər (UFO) haqqında hesabatını paylaşıb.
NASA-nın Vaşinqtondakı mənzil-qərargahında təşkil edilən yığıncaqda NASA Administratoru Bill Nelson, NASA-nın Elm Missiyası Müdirliyi Administrator müavini Nikola Foks, NASA-nın Elm Missiyası Direktorluğunun Tədqiqatlar üzrə Administrator müavini Den Evans, Simons Fondunun prezidenti və NASA-nın UAP müstəqil araşdırma qrupunun rəhbəri David Spergel iştirak edib.
Alimlərin hesabatında diqqət çəkən məqamlar aşağıdakılardır:
Naməlum anomal hadisələrin arxasında hər hansı yad mənbənin dayandığı qənaətinə gəlmək üçün heç bir əsas yoxdur. Bu cisimlər bura gəlmək üçün günəş sistemimizdən keçməsi lazımdır.
Bugünkü hesabatlar yerdənkənar həyatın mövcud olduğu qənaətinə gəlməsə də, Yer atmosferində fəaliyyət göstərən potensial naməlum yadplanetli texnologiyası inkar edilməyə hazır bir ehtimal deyil.
Hesabatda bildirilir ki, süni intellekt və maşın öyrənməsi naməlum uçan obyektlərin müəyyən edilməsi üçün vacib alətlərdir.
Naməlum uçan cisimləri və anormal hadisələri daha yaxşı başa düşmək və müəyyən etmək üçün ən böyük çətinliklərdən birinin məlumat çatışmazlığı olduğunu ifadə edən NASA, bu məlumat çatışmazlığını müxtəlif mənbələrlə doldurmağa çalışır.
