İngiltərədə mütəxəssis həkimlər 2 günlük tətilə başlayıb
İngiltərədə təxminən 24 min mütəxəssis həkim maaş artımı ilə bağlı hökumətlə davam edən mübahisə səbəbiylə 2 günlük tətilə çıxıb.
Maaş artımı və iş şəraiti ilə bağlı hökumətlə fikir ayrılığına görə bu il üçüncü dəfə tətilə çıxan mütəxəssis həkimlər maaşların inflyasiyadan 11 faiz yuxarı artırılmasını tələb edirlər.
İngiltərə Səhiyyə Naziri Steve Barclay, müstəqil əmək haqqını nəzərdən keçirən qurumun tövsiyəsinin təxminən 8,8 faiz olduğunu deyib.
Mütəxəssis həkimlərin 2 günlük tətili müddətində yalnız təcili yardım xidmətləri göstəriləcək. Təcili olmayan əməliyyatlar və görüşlər də daxil olmaqla, gündəlik xidmətlərin əhəmiyyətli dərəcədə pozulacağı gözlənilir.
İngiltərədə təxminən 61 min ümumi praktikant da sabah işini dayandıraraq 3 günlük tətilə gedəcək.
Bu il altıncı dəfə tətil edəcək ümumi praktikantlar hökumətdən maaşlarının 35 faiz artırılmasını tələb edirlər.
Səhiyyə naziri Barclay "Sky News"a həkimlərin tətili ilə bağlı verdiyi açıqlamada, tətillər zamanı bəzi tibb işçilərinin növbətçi olmasını təmin edəcəklərini bildirib.
