Paris Olimpiya Oyunlarında fransalı idmançılara hicab qadağası
Fransa idmançılarına 2024-cü ildə keçiriləcək Paris Olimpiya Oyunlarında hicab taxmaq qadağan edilib.
Fransanın idman naziri Amelie Oudea-Kastera qonaq olduğu "France 3" kanalında belə bir qadağanın qoyulduğunu açıqlayıb.
Oudea-Kastera 26 iyul - 11 avqust 2024-cü il tarixləri arasında paytaxt Parisdə keçiriləcək Olimpiya Oyunlarına qatılan Fransa komandalarının idmançılarının hicab taxa bilməyəcəklərini bildirib.
Fransalı nazir idmanda sərt “dünyəvilik rejimi”nin tətbiqinin tərəfdarı olduqlarını deyib.
Fransa Futbol Federasiyası (FFF) 2016-cı ildən hicaba icazə vermədiyi üçün “Les Hijabeuses” (Hiccablılar) kimi tanınan futbolçular cəmiyyəti bu qadağanı ləğv etmək tələbi ilə Dövlət Şurasına müraciət edib.
FFF-nin daxili reqlamentinin birinci maddəsi futbolçulara matçlar zamanı dini mənsubiyyətini göstərən geyim və ya simvol geyinməyi qadağan edir.
İyunun 29-da Danıştay qadın futbolçuların FFF matçlarında hicab geyinməsinə qadağa qoyub.
