Çində “itkin düşmüş” müdafiə naziri Li Şanqfu vəzifəsindən azad edilib
Bir müddət Çində ictimaiyyətə görünmədiyi üçün vəziyyəti maraq doğuran müdafiə naziri Li Şanqfu vəzifəsindən azad edilib.
Çin dövlət televiziyası CCTV-nin məlumatına görə, Li ilə bağlı qərar Çinin qanunverici orqanı olan Ümumçin Xalq Nümayəndələri Yığıncağı Mərkəzi Komitəsinin Pekində keçirilən sessiyasında qəbul edilib.
Komitə üzvləri Li-nin nazir vəzifəsindən uzaqlaşdırılmasına səs verib.
Li-ni kimin əvəzləyəcəyi hələlik açıqlanmayıb.
İclasda Maliyyə Nazirliyinə, Elm və Texnologiya Nazirliyinə yeni adların təyin olunduğu bildirilib.
Keçmiş nazir Li sonuncu dəfə avqustun 29-da Pekində keçirilən Çin-Afrika Sülh və Təhlükəsizlik Forumunda ictimaiyyət qarşısına çıxıb.
