Avropada "Ciaran" qasırğası nəticəsində ölənlərin sayı 13-ə çatıb
Noyabrın 2-nə keçən gecə Atlantik okeanı üzərində əmələ gələn və Qərbi Avropa ölkələrini vuran “Ciaran” qasırğası noyabrın 3-nə kimi azı 13 nəfərin həyatına son qoyub.
Xüsusilə Fransa və İtaliyada ciddi dağıntılara səbəb olan təbii fəlakət nəticəsində 3 nəfər ölüb. İtaliyanın Toskana əyalətində fövqəladə vəziyyət elan edilib. Cəmi bir neçə saat ərzində bölgədə yağıntının səviyyəsi 20 santimetrə çatıb - bu, müvafiq ölçmələr başlayandan bəri maksimumdur. Çaylar sahillərindən çıxaraq yaxınlıqdakı yaşayış məntəqələrini su basıb.
Florensiya, Piza və Prato şəhərətrafı ərazilərində yanğınsöndürmə xidməti su basmış tunellərdə ilişib qalan və ya yıxılan ağaclar tərəfindən bağlanmış sürücülərin xilas edilməsi üçün onlarla çağırış edib.
Toskana rəhbəri Eugenio Giani, iqlim dəyişikliyinin nəticələrini fəlakətin səbəbi hesab etdiyini açıqladı. Florensiyanın meri Dario Nardelle də vəziyyəti kritik adlandırıb. Venesiyada iki nəfərin itkin düşdüyü bildirilir.
