Cənubi Koreya, ABŞ və Yaponiya kibertəhlükəsizlik sahəsində birgə əməkdaşlıq edəcəklər
Cənubi Koreya, ABŞ və Yaponiya kibertəhlükəsizlik məsələlərini, o cümlədən Şimali Koreyaya qarşı mübarizə ilə bağlı məsələləri müzakirə etmək üçün xüsusi məsləhət qrupu yaratmaq barədə razılığa gəliblər.
Bu barədə Cənubi Koreya prezidentinin ofisində Vaşinqtonda üç ölkə başçısının milli təhlükəsizlik üzrə müşavir müavinləri səviyyəsində keçirilən üçtərəfli görüşün yekununda bildirilib.
Xüsusilə, qrup KXDR-in nüvə-raket proqramını maliyyələşdirmək üçün kiberməkanda fəaliyyətini əngəlləmək üçün tədbirlər üzərində işləyəcək.
Qərb ölkələri, eləcə də Cənubi Koreya və Yaponiya daha əvvəl Şimali Koreya dövləti ilə əlaqəsi olduğu iddia edilən qrupların vəsait oğurlamaq üçün haker hücumlarını aşkar etdiklərini bildiriblər.
Üçtərəfli məsləhətləşmələrin iştirakçılarının ildə dörd dəfə görüşməsi, o cümlədən kiberməkanda təhdidlərə ümumi cavab potensialının təmin edilməsi planlaşdırılır.
