İsrail Qəzzaya humanitar yardım aparan daha 98 yük maşınının buraxıldığını bildirib
![](/uploads/posts/2023-11/1699934974_tirifah.jpg)
Humanitar yardım daşıyan ən azı 98 yük maşını bazar ertəsi günü Rəfah keçidi vasitəsilə Qəzza zolağına daxil olub.
Bu barədə İsrail Hökumətinin Fələstin Ərazilərində Fəaliyyətlərinin Koordinasiyası İdarəsi X sosial şəbəkəsindəki səhifəsində məlumat yayıb.
Bildirilir ki, anklava 42 yük maşını ərzaq (963 ton), 14-ü tibbi avadanlıq (176 ton), 19-u su (380 ton), 15-i müvəqqəti yerləşdirmə mərkəzlərinin işinin təşkili üçün zəruri olan əşyalar (225 ton) və daha 8 qarışıq yük (137 ton) TIR daxil olub.
Qəzza zolağına humanitar yardımın çatdırılması Yaxın Şərqdə münaqişənin gərginləşməsinin başlamasından iki həftə sonra oktyabrın 21-də başlayıb.