Yaponiyada Böyük Britaniya ilə geniş miqyaslı hərbi təlimlərə başlayır
Yaponiyanın Qunma prefekturasında ölkələr arasında hərbi əməkdaşlıq sazişinin qüvvəyə minməsindən sonra Britaniya ilə ən böyük hərbi təlim başlayıb.
AFN.az Yaponoya mediasına istinadən xəbər verir ki, “Vigilant Isles” adlanan təlimdə 400 Yaponiya quru qoşunu, həmçinin 200 Britaniya əsgəri iştirak edir ki, bu da bütün təlim üçün rekord rəqəmdir.
Qoşunların təlimi Yaponiyanın dörd prefekturasında keçiriləcək və noyabrın 26-dək davam edəcək. Təlim zamanı əsgərlər “uzaq adaları müdafiə etmək” üçün infiltrasiya və kəşfiyyat məşqləri keçirəcəklər.
Qeyd olunur ki, 2022-ci ildə Böyük Britaniyadan 80 əsgər təlimlərdə iştirak edib. Onların sayı 2023-cü ildə hərbi əməkdaşlıq sazişinin qüvvəyə minməsi ilə artıb və bu, britaniyalıların Yaponiyaya daxil olmasını asanlaşdırıb.
Bundan əvvəl Yaponiyanın baş naziri Fumio Kişida İruma Hərbi Hava Bazasında Özünümüdafiə Qüvvələrini təftiş edərək, ölkənin müharibədən sonrakı dövrdə ən ağır və çətin təhlükəsizlik mühiti ilə üzləşdiyini bildirib.
