Qətər müvəqqəti atəşkəsin bərpası üçün səylərini davam etdirir
Qətərin xarici işlər naziri Məhəmməd bin Əbdürrəhman Əl Tani Qəzzada müvəqqəti atəşkəsin bərpası üçün işləri davam etdirəcəklərini bildirib.
Qətər Xarici İşlər Nazirliyindən verilən açıqlamaya görə, Əl Sani paytaxt Dohada keçirilən Körfəz Əməkdaşlıq Şurasının (KİK) Xarici İşlər Nazirləri toplantısında çıxış edib.
Körfəz Əməkdaşlıq Şurasının Xarici İşlər Nazirləri toplantısının İsrailin Qəzzaya hücumlarının davam etdiyi bir vaxtda keçirildiyini vurğulayan Əl Tani Qətərin müvəqqəti atəşkəsin yenidən başlaması və daha sonra Qəzzada daimi atəşkəsə nail olunması üçün bütün fəal ölkələrlə işləməyə davam edəcəyini bildirib.
Əl Tani çərşənbə axşamı keçirilməsi planlaşdırılan 44-cü Körfəz Əməkdaşlıq Şurasının zirvə toplantısından əvvəl keçirilən nazirlər toplantısında üzv ölkələr arasında bir çox əməkdaşlıq məsələlərinin müzakirə edildiyini bildirib.
Qətərin sədrliyi ilə keçirilən iclasda Körfəz Əməkdaşlıq Şurasının baş katibi Casim Məhəmməd əl-Budeyvi çıxışında regional və beynəlxalq məsələlərlə yanaşı, birgə əməkdaşlıq tələb edən məsələlərin müzakirə edildiyini qeyd edib.
9 dekabr 2022-ci ildə Səudiyyə Ərəbistanının paytaxtı Ər-Riyadda Körfəz Əməkdaşlıq Təşkilatının 43-cü Sammiti keçirilib.
