Qətərin xarici işlər naziri Blinkenlə İranın nüvə sazişi müzakirələrini müzakirə edib
Qətərin xarici işlər naziri Məhəmməd bin Əbdülrəhman Əl Tani Vaşinqtona səfəri zamanı ABŞ-ın dövlət katibi Entoni Blinkenlə JCPOA-nın (Birgə Kompleks Fəaliyyət Planı) yenilənməsi ilə bağlı danışıqlarda son hadisələri müzakirə edib.
AFN.az xəbər verir ki, "Əl-Cəzirə" telekanalına müsahibəsində Əl-Tani Blinkenlə görüşündə İranın nüvə sazişini müzakirə etdiyini bildirib. "İranla nüvə danışıqları ilə bağlı vəziyyət mürəkkəbdir, lakin diplomatik səylər davam etməlidir", - deyə Qətər diplomatı bildirib.
Qətər xarici işlər naziri Blinkenlə İordan çayının qərb sahilində vəziyyətin gərginləşməsini və İsrailin hərəkətlərini, Əfqanıstan məsələsini də müzakirə etdiyini bildirib.
Bundan əvvəl, yanvarın 29-da Qətərin xarici işlər naziri İranın xarici işlər naziri ilə ikitərəfli, regional və beynəlxalq məsələləri müzakirə etmək üçün Tehrana səfər edib. "Mehr" Agentliyi xəbər verir ki, bu səfər zamanı Əl-Sani İran tərəfinə Birgə Hərtərəfli Fəaliyyət Planı (JCPOA) üzrə danışıqlarda iştirak edən tərəflərin mesajlarını çatdırıb.
