Messi "Time" jurnalı tərəfindən ilin idmançısı seçilib
“İnter Mayami”nin və Argentina milli futbol komandasının hücumçusu Lionel Messi “Time” jurnalı tərəfindən ilin idmançısı seçilib.
Bu barədə nəşrin saytında məlumat verilir.
2022-ci ilin sonunda forvard milli komandanın Qətərdə keçirilən Dünya Kubokunu qazanmasına kömək edib və turnirin ən yaxşı oyunçusu olub. Bu yay o, Şimali Amerika Major League Soccer (MLS) klubu "Inter Mayami" ilə müqavilə imzalayıb və Liqa Kubokunu qazanıb. Bundan əlavə, argentinalı 2023-cü ildə PSJ ilə Fransa çempionu olub.
Messi daha əvvəl "FourFourTwo" tərəfindən 21-ci əsrin ən yaxşı futbolçusu seçilib. “Əl-Nasr” və Portuqaliya millisinin hücumçusu Kriştiano Ronaldo ikinci yeri tutub.
Oktyabrın 30-da Messi karyerasında səkkizinci dəfə "Qızıl top"u qazanıb. O, daha əvvəl 2009, 2011, 2012, 2013, 2016, 2019 və 2021-ci illərdə bu kuboku qazanıb.
