Venesuela Qayana bölgəsinin ilhaqını elan edib
Venesuela prezidenti Nikolas Maduro qoşunları səfərbər edərək, qonşu Qayanın de-fakto ərazisi olan Essequibo bölgəsinin ilhaqını elan edib.
Bu barədə "El Pais" məlumat yayıb.
Qeyd olunur ki, Venesuela lideri artıq bölgəyə müvəqqəti rəhbər təyin edib. Nəşrin məlumatına görə, o, general-mayor, Vahid Sosialist Partiyasının deputatı Aleksis Rodriges Kabello olub.
Bundan əvvəl Maduro Essequibonun Venesuelada yer aldığı xəritəni göstərmişdi. Venesuelanın yeni 24-cü ştatı "Guyana-Essequibo" adlandırılıb.
