Kim Çen In: Şimali Koreya ABŞ-ın səhv qərarına cavab verməyə hazırdır
Şimali Koreya lideri Kim Çen In ölkəsinin ABŞ-ın “səhv qərarına” cavab verməyə hazır olduğunu açıqlayıb.
Bu barədə Koreya Mərkəzi Xəbər Agentliyi (KCNA) məlumat yayıb.
Şimali Koreya lideri bərk yanacaqla işləyən “Hwasong-18” qitələrarası ballistik raketinin (ICBM) sınağını şərh edib. Onun sözlərinə görə, bu buraxılış “Vaşinqton səhv qərar verərsə” Pxenyanın hansı addımları atmağa hazır olduğunu açıq şəkildə göstərən məqamdır. “Biz dəfələrlə sərt xəbərdarlıq və qınamalarımıza baxmayaraq, il boyu davam edən hərbi qarşıdurma isterikasını genişləndirən düşmən qüvvələrə açıq siqnal göndərmişik”, - deyə Kim Çen In bildirib.
KXDR ilk dəfə aprelin 13-də “Hwasong-18” ICBM-i buraxıb. Bundan sonra Kim Çen In ICBM-nin ölkənin nüvə əks-hücumuna hazırlığını artıracağını bildirib. O xəbərdarlıq edib ki, Pxenyan Koreya yarımadasındakı vəziyyəti gərginləşdirən "respublikanın düşmənlərinin" təhlükəsizlik böhranı yaşaması üçün hər şeyi edəcək.
