HƏMAS liderlərindən olan Salih əl-Aruri öldürüldü
İsrailin Livanın paytaxtı Beyrutda pilotsuz təyyarə ilə həyata keçirdiyi hücumda HƏMAS lideri Salih əl-Arurinin öldürüldüyü açıqlanıb.
İsrail ordusu radiosunun adı açıqlanmayan xarici mənbələrə əsaslanan xəbərinə görə, Beyrutda HƏMAS Siyasi Bürosunun sədr müavini Salih əl-Aruri öldürülüb.
Livanın rəsmi xəbər agentliyi NNA, hücumla bağlı Aruri də daxil olmaqla 6 nəfərin öldüyünü, 11 nəfərin yaralandığını bildirib.
Hücumda Həmas ofisi və binanın qarşısında park edilmiş avtomobillərin 2 raketlə hədəfə alındığı bildirilib.
Agentliyin məlumatına görə, hücumdan sonra İsrail hərbi təyyarələri Beyrut və ölkənin cənubundakı Sur şəhəri səmalarında uçuşlar həyata keçirib.
NNA-nın daha əvvəl verdiyi xəbərdə İsrailin “Hizbullahın qalası” kimi tanınan Beyrutun Dahiyə bölgəsindəki Məşrafiyə rayonunda Həmas ofisinə hücum təşkil etdiyi qeyd edilib.
