Cənubi Koreyada müxalifət lideri bıçaqlı hücuma məruz qaldı
Cənubi Koreyada ana müxalifət Demokratik Partiyasının lideri Li Jae-Myonq bıçaqla hücuma məruz qalıb. O, "Döyüşçü siyasətə son qoymalıyıq" - deyə açıqlama verib.
Yonhap-ın xəbərinə görə, yanvarın 2-də Pusanın Gadeok adasındakı tikinti sahəsini ziyarət edərkən boynundan bıçaqlanan Li xəstəxanada tibbi yardım aldıqdan sonra buraxılıb.
Müalicə aldığı Seul Milli Universitet Xəstəxanasından çıxarkən jurnalistlərə açıqlama verən Li, “Ümid edirəm ki, hamımızı təəccübləndirən bu hadisə nifrət və qarşıdurma siyasətinə son qoyulmasında və hörmətli bir dövlətin yenidən qurulmasında dönüş nöqtəsi olacaq. Rəqiblərimizi öldürüb yox etməməliyik, döyüşkən siyasətə son qoymalıyıq" - deyə bildirib.
Lini bıçaqlayan 67 yaşlı müttəhimlə bağlı Pusan Böyükşəhər Polis İdarəsi tərəfindən açıqlama verilib.
Açıqlamada, "Müttəhim Linin parlamentdə çoxluq qazanmasına və qarşıdan gələn ümumi seçkilərdə prezident olmasına mane olmaq üçün onu öldürmək qərarına gəldiyini açıqladı" - deyə qeyd edilib.
