Somalidə kamikadze hücumu nəticəsində azı 3 nəfər ölüb
Somalinin paytaxtı Moqadişoda kamikadze hücumu nəticəsində ən azı 3 nəfər həyatını itirib.
Somali Milli Televiziyasının (SNTV) məlumatına görə, kamikadze paytaxtın Hamarveyn rayonundakı kafedə bombanı işə salıb. Partlayış nəticəsində ən azı 3 nəfər hadisə yerində ölüb.
Təhlükəsizlik qüvvələri ərazini mühasirəyə alıb.
Hələlik heç kim hücuma görə məsuliyyəti üzərinə götürməyib.
