Peru ilə Braziliya sərhədində keçirilən əməliyyatda 2 tondan çox narkotik maddə ələ keçirilib
Perunun Braziliya ilə sərhədində yerləşən Santa Rosada keçirilən əməliyyatda iki tondan çox narkotik maddə ələ keçirilib.
W Radio-da yer alan xəbərə görə, əməliyyat Peru, Braziliya və Kolumbiya ordularının birgə səyi ilə sərhəddə həyata keçirilib.
Əməliyyat zamanı 2 tondan çox narkotik maddə ələ keçirilib və 7-si Kolumbiyalı olmaqla 8 nəfər saxlanılıb.
Kolumbiyanın Amazonas inzibati bölgəsinin Letisiya şəhərində həyata keçirilən əməliyyatda 250 kiloqram partlayıcı maddənin də ələ keçirildiyi bildirilib.
Kolumbiya prezidenti Qustavo Petro X sosial media hesabındakı paylaşımında əməliyyatda iştirak edən ölkələrin təhlükəsizlik qüvvələrini təbrik edib.
Narkotik maddələrin əvvəlcə Panama, sonra isə ABŞ-a çatdırılacağı paylaşılıb.
