Macarıstan İsveçin NATO-ya üzvlüyünü dəstəklədiklərini açıqlayıb
Macarıstanın baş naziri Viktor Orban NATO-nun baş katibi Yens Stoltenberqlə telefon danışığında hökumət olaraq İsveçin NATO-ya üzvlüyünü dəstəklədiklərini bildirib.
Macarıstanın baş naziri Viktor Orban X sosial media hesabından NATO-nun baş katibi Stoltenberqlə telefon danışığı ilə bağlı açıqlama verib.
"Mən Macarıstan hökumətinin İsveçin NATO-ya üzvlüyünü dəstəklədiyini bir daha təsdiqlədim. Həmçinin vurğuladım ki, biz Macarıstan Milli Assambleyasını İsveçin üzvlüyünün lehinə səs verməyə və ilk mümkün fürsətdə ratifikasiyanı yekunlaşdırmağa çağırmağa davam edəcəyik", - deyə Orban bildirib.
Orban dünən sosial şəbəkədəki paylaşımında isveçli həmkarı Ulf Kristerssona İsveçin NATO-ya üzvlüyü ilə bağlı danışıqlar aparmaq üçün dəvət məktubu göndərdiyini açıqlayıb.
Bunun üzərinə İsveç xarici işlər naziri Tobias Billström mətbuata verdiyi açıqlamada Macarıstan lideri Orbanın təklifi ilə bağlı bunları deyib: "Hazırda danışıqlar aparmaq üçün heç bir səbəb görmürəm. Təbii ki, ümid etdiyimiz, Macarıstanın üzvlüyə tezliklə razılıq verməsidir. mümkün qədər".
