İsveç Macarıstanın baş naziri Orbanın görüş təklifini qəbul edib
İsveçin Baş naziri Ulf Kristersson Macarıstanın paytaxtı Budapeştdə ölkəsinin NATO-ya üzvlüyü ilə bağlı macar həmkarı Viktor Orban ilə uyğun vaxtda görüşməyi səbirsizliklə gözlədiyini bildirib.
Hökumətin internet saytında dərc olunan bəyanatda Kristersson İsveçin NATO-ya üzvlük məsələsini müzakirə etmək üçün onu Budapeştə dəvət edən Orbana təşəkkür edib.
Dəvəti qəbul etdiyini bildirən Kristersson Orbana bunları söyləyib:
"Sizinlə uyğun vaxtda Macarıstanın paytaxtı Budapeştdə görüşməyi səbirsizliklə gözləyirəm. Fevralın 1-də Brüsseldə keçiriləcək Avropa İttifaqı (Aİ) liderlərinin sammitində də görüşmək imkanımız olacaq. İsveçin Macarıstan Parlamentində NATO-ya üzv olması ikitərəfli münasibətlərimizin inkişafına töhfə verəcək.
