Britaniya kralı III Çarlz xəstəxanaya yerləşdirilib
Böyük Britaniya kralı III Çarlz cümə günü prostat vəzinin müalicəsi çərçivəsində rutin prosedur üçün xəstəxanaya yerləşdirilib.
Bu barədə Bukingem Sarayından məlumat verilib.
"Əlahəzrət keçən həftə xoş arzularını göndərən hər kəsə təşəkkür etmək istərdi və onun diaqnozunun bu sağlamlıq problemi ilə bağlı ictimaiyyətin məlumatlılığına müsbət təsir etdiyini öyrənməkdən məmnundur" dedi Kral Ailəsi İdarəsi.
Öz növbəsində, BBC xəbər verib ki, Çarlz III Uels şahzadəsi Ketrinin keçən həftə qarın nahiyəsindən əməliyyat olunduğu xəstəxanada müalicə alacaq. Qeyd olunub ki, onun üçün nəzərdə tutulan qəbuldan əvvəl o, şahzadəni ziyarət edib.
Britaniya kralının xəstəxanada nə qədər qalacağı məlum deyil.
Keçən həftə Bukingem Sarayının ofisi Britaniya kralının genişlənmiş prostat vəzindən müalicə aldığını açıqlamışdı.
Qeyd olunur ki, kral sağalana kimi onun iştirakı ilə keçirilən kütləvi tədbirlər təxirə salınacaq.
