Keyt Middlton Pasxa bayramında iştirak etməyəcək
Şahzadə Uilyamın həyat yoldaşı Keyt Middlton xəstəliyi səbəbindən Pasxa bayramında iştirak etməyəcək.
Bu barədə İndependent xəbər verib.
Britaniya kralı III Çarlz xərçəng xəstəliyinə tutulmasına və müalicəsinə baxmayaraq, bazar günü Windsor sarayındakı Müqəddəs Georgi kilsəsində keçiriləcək Pasxa mərasimində iştirak edəcək. Eyni zamanda monarxın sağlamlığını riskə atmamaq üçün III Karl və Kraliça Kamilla digərlərindən ayrı oturacaqlar.
Uels şahzadəsinin hazırda profilaktik kimyaterapiyadan keçməsi səbəbindən nə Şahzadə Uilyam, nə də Keyt Middlton mərasimdə olmayacaq. Xatırladaq ki, Keyt Middltona da monarx kimi xərçəng diaqnozu qoyulub.
Kral ailəsinin əksəriyyəti adətən Pasxa mərasimində iştirak edir. Keçən il kral və kraliça, eləcə də Uels şahzadəsi ilə yanaşı kilsədə Şahzadə Anna və onun əri ser Timoti Lourens, York hersoginyası Sara Ferqyuson və onun qızları Şahzadə Eugenie və Princess Beatrice iştirak edib.
