Gürcüstanda bazarda silahlı hücum nəticəsində 4 nəfər ölüb
Gürcüstanın Rustavi şəhərində bazarda silahlı hücum nəticəsində 4 nəfər ölüb, 1 nəfər yaralanıb.
Gürcüstan Daxili İşlər Nazirliyindən verilən açıqlamada, paytaxt Tbilisidən təxminən 40 kilometr uzaqlıqdakı Rustavi şəhərindəki "İstanbul" adlı bazarda bir şübhəlinin silahlı hücum təşkil etdiyi bildirilib.
Hücum nəticəsində 4 nəfərin öldüyü, 1 nəfərin isə yaralanaraq xəstəxanaya yerləşdirildiyi bildirilib.
Hücum edən şəxsin saxlanıldığı və hadisə ilə bağlı araşdırma aparıldığı bildirilib.
