Yaponiya Müdafiə Nazirliyi: 43 trilyon yen müdafiə xərcləri planı kifayət deyil
Yaponiya Müdafiə Nazirliyinin ekspertlər qrupu 2023-2027-ci maliyyə illərini əhatə edən 43 trilyon yen (290 milyard dollar) müdafiə xərclərinin planlaşdırılmasını “qeyri-adekvat” adlandırıb.
Çinin Hind-Sakit okean regionunda artan nüfuzu, Rusiya-Ukrayna böhranı və Şimali Koreyanın raket təhdidləri qarşısında Yaponiya hökuməti milli müdafiə xərclərinin yenilənməsini müzakirə edir.
Ekspertlər qrupunun rəhbəri Sakakibara Sadayuki öz bəyanatında müdafiə xərclərinin planlaşdırılmasına artan xərclər və yenin xarici valyutaya nisbətdə dəyər itirməsinin mənfi təsir göstərəcəyini deyib.
2023-2027-ci illərdə 43 trilyon yen müdafiə xərclərini "qeyri-kafi" olaraq xarakterizə edən Sakakibara hökumətin bu limitə diqqət yetirməsi lazım olduğunu bildirib. "Biz planlaşdırmada təftişləri tabu etməməliyik; reallığa, ictimai yükə və xüsusi maliyyə resurslarına əsaslanan vicdanlı müzakirələr aparmalıyıq" - deyə Sakakibara qeyd edib.
