ABŞ: "Husilər humanitar yardım daşıyan gəmini hədəf aldı"
ABŞ Yəməndə İranın dəstəklədiyi husilərin humanitar yardım daşıyan gəmiyə iki gəmi əleyhinə ballistik raket atdığını və raketlərdən birinin gəminin yaxınlığında partladığını açıqlayıb.
ABŞ Mərkəzi Komandanlığının açıqlamasında, husilərin fevralın 19-da Yəmənin Ədən şəhərinə gedən Yunan bayraqlı ABŞ-a məxsus “M/V Dəniz Çempionu” adlı yük daşıyıcısına doğru iki gəmi əleyhinə ballistik raket atdığı bildirilib.
Açıqlamada raketlərdən birinin gəminin yaxınlığında partladığı və cüzi ziyan vurduğu, gəminin Yəmənə taxıl aparmaq üçün yoluna davam etdiyi bildirilib.
“Biz husilərin Yəmənə ərzaq və humanitar yardım daşınmasını birbaşa təhlükə altına qoyan zərərli fəaliyyətlərinə qarşı durmaqda qərarlıyıq”, - deyə bəyanatda bildirilib.
