Husilər Qırmızı dənizə yaxın mənzilli ballistik raketlər atıb - ABŞ
ABŞ Yəməndə İranın dəstəklədiyi husilərin Qırmızı dənizdə ABŞ gəmisinə yaxın mənzilli ballistik raket atdığını açıqlayıb.
ABŞ Mərkəzi Komandanlığı (CENTCOM) X sosial media platformasında məsələ ilə bağlı açıqlama verib.
Açıqlamada husilərin dünən Qırmızı dənizdəki "USS Laboon" esminesinə yaxın mənzilli ballistik raket atdığı, ABŞ-ın Husilərin nəzarətindəki bölgələrdən atdığı raketi koalisiya gəmisi ilə məhv etdiyi bildirilib.
