Çinin Britaniyadakı səfirliyi: "Sanksiyalara görə əks tədbirlər görəcəyik"
Çin Britaniyanın üç Çin istehsalçısına qarşı bu yaxınlarda tətbiq etdiyi sanksiyalardan sonra cavab verəcək.
Bu barədə fevralın 23-də Çinin Londondakı səfirliyi məlumat yayıb.
"Britaniya tərəfinin müvafiq müəssisələrə qarşı tətbiq etdiyi sanksiyalar beynəlxalq hüquqla qətiyyən əsaslandırılmayan birtərəfli hərəkətlərdir", - Çin diplomatik missiyası öz internet səhifəsində bildirib.
Çin səfirliyi Pekinin qanuni hüquq və şirkətlərin maraqlarını qorumaq üçün tədbirlər görəcəyinə əmin edib. Departament əlavə edib ki, Ukrayna məsələsində Çin obyektiv və ədalətli mövqe tutur.
“Biz qəti şəkildə sanksiyaların əleyhinəyik və Britaniya tərəfinə deyirik ki, Çinin maraqlarına zərər vuran istənilən hərəkətə bizim tərəfimizdən qətiyyətlə qarşı çıxacağıq”, - Çin diplomatları bildirib.
Cümə axşamı Böyük Britaniya Rusiyaya qarşı sanksiyalar siyahısını 50 mövqe genişləndirib. Məhdudiyyətlər digər məsələlərlə yanaşı, üç Çin şirkətinə - Finder Technology və JUHANG Aviation Technology (elektron komponentlərin tədarükçüləri), həmçinin Pekin Micropilot Flight Control Systems (dronlar üçün mühərrik istehsalçıları) şirkətlərinə təsir edib.
