“Taurus” raketlərinin Ukraynaya ötürülməsi münaqişənin kəskinləşməsinə səbəb olacaq - Sara Vaqenknext
Almaniyanın “Taurus” qanadlı raketlərinin Kiyevə tədarükü Rusiya ilə münaqişənin daha da kəskinləşməsinə səbəb olacaq.
Bundestaqın deputatı Sara Vaqenknext jurnalist Pol Ronzeymerə müsahibəsində Ukraynaya silah verilməsinin nəticələrindən danışıb.
Vaqenknext qeyd edib ki, bu cür yardım Ukraynaya kömək etməyəcək, çünki münaqişənin daim uzanması yardım və ya müdafiə sayıla bilməz.
O, Ukrayna Silahlı Qüvvələrinin Rusiya qoşunlarını Krımdan sıxışdırıb çıxara biləcəyinə şübhə edib, çünki Rusiya nüvə dövlətidir və buna imkan verməyəcək.
