Latviyada NATO-nun poliqonunun tikintisi üçün torpaqların özgəninkiləşdirilməsinə başlanılıb
Latviyada Seliyadakı hərbi poliqon üçün torpaq sahəsinin layihələndirilməsi və özgəninkiləşdirilməsinə başlanılıb, tikintisinə dair qərar NATO sammitində verilib.
Bu barədə LSM məlumat yayıb.
Latviyanın Hərbi Qurğular və Milli Müdafiə Təchizatları Mərkəzinin məlumatına görə, poliqonun tikintisi üçün artıq əmlakın özgəninkiləşdirilməsinə başlanılıb.
Latviya Milli Silahlı Qüvvələrinin (QQ) Birləşmiş Qərargah rəisinin müavini Kaspars Zdanovskis bildirib ki, tikintiyə hələ də başlanmasa da, hərbi qulluqçular artıq uzun illərdir ki, poliqondan öz məqsədləri üçün istifadə edirlər.
“Biz artıq nəqliyyat infrastrukturu və onun imkanları ilə bağlı mövcud vəziyyəti müəyyən etmişik. İndi biz Müdafiə Nazirliyi ilə növbəti görüşü gözləyirik. Burada hərbi poliqonun istifadəsi və saxlanması üçün tələb olunacaq ehtiyaclar konkret olaraq göstəriləcək”, - Latviya Nəqliyyat Nazirliyinin Təhlükəsizlik Siyasəti Koordinasiya İdarəsindən bildiriblər.
Ölkənin müdafiə naziri Artis Pabriks 2022-ci ilin yayında Latviyada NATO kontingentinin artırılması üçün poliqonun tikintisinin zəruriliyindən danışıb.
