Belçika Beynəlxalq Məhkəmədə İsrailə qarşı soyqırım işinə müdaxilə edəcək
Belçika Cənubi Afrikanın İsraili “soyqırım”da ittiham edərək Beynəlxalq Ədalət Məhkəməsində açdığı işə qarışacağını açıqlayıb.
Belçika Xarici İşlər Nazirliyindən verilən məlumata görə, ölkə 1948-ci il Birləşmiş Millətlər Təşkilatının (BMT) soyqırımın qarşısının alınması və cəzalandırılması haqqında Konvensiyasının soyqırım cinayətini müəyyən edən 2-ci maddəsinin şərhini təqdim etmək qərarına gəlib.
Xarici işlər naziri Haca Lahbib deyib: "Fevralın 7-də ICJ 1948-ci il Konvensiyasının iştirakçısı olan dövlətlərə, o cümlədən Belçikaya məktub göndərərək qeyd edib ki, bu iş kontekstində konvensiyanın şərhi sual altında ola bilər. Belçika bu işdə iştirak etmək və onun şərhini bölüşmək istəyir. Konvensiyanın 2-ci maddəsində
söhbət bu və ya digər tərəfin lehinə və ya əleyhinə olmasından getmir. Söhbət dövlətlərin qoşulduğu beynəlxalq müqavilələrin universallığının gücləndirilməsindən gedir”.
Mənbələr qeyd ediblər ki, hələ müəyyən məzmun və tarix yoxdur və proses aylar çəkə bilər.
BƏM Nizamnaməsinin 63-cü maddəsi dövlətlərə, hətta mübahisənin tərəfləri olmasa belə, tərəf olduqları konvensiyaların təfsirinə gəldikdə müdaxilə etmək hüququ verir.
