İsveçrə Milli Bankı inkişaf etmiş iqtisadiyyatlarda faiz dərəcələrini aşağı salan ilk mərkəzi bank olub
İsveçrə Milli Bankı (SNB) gözlənilmədən siyasət faizini 25 baza bəndi aşağı salaraq inkişaf etmiş ölkələrdə faiz dərəcələrini endirən ilk mərkəzi bank olub.
SNB-dən verilən açıqlamada siyasət faizinin 0,25 baz azalaraq 1,50 faizə endirildiği bildirilib.
Faiz dərəcəsinin 1,75 səviyyəsində sabit qalacağını gözləyən analitiklərin fikrincə hərəkət etməyən SNB tərəfindən 9 ildə ilk faiz endirimi olub.
Analitiklər SNB-nin faiz dərəcələrini azaltmaq üçün 2024-cü ilin iyununda keçiriləcək növbəti iclasına qədər gözləyəcəyini proqnozlaşdırmışdılar.
Bundan əlavə, SNB, COVID-19-dan sonra inflyasiya təzyiqinə qarşı çıxmaq üçün monetar sərtləşdirmə tətbiq edən inkişaf etmiş ölkələrdə faiz dərəcələrini azaldan ilk mərkəzi bank olub.
SNB-nin bugünkü faiz endirimi fevral ayında İsveçrədə inflyasiyanın 1,2 faizə düşdüyü və SNB-nin qiymət sabitliyi olaraq təyin etdiyi 0-2 faizlik hədəf aralığında qiymət artımlarının baş verdiyi doqquzuncu aydan sonra baş verir.
SNB İsveçrə valyutasının bahalaşmasını nəzərə alaraq faiz dərəcələrini azaltmağa qərar verdiyini açıqlayıb.
SNB uzun müddətdir ki, İsveçrə frankının avroya qarşı çox dəyər qazanmasına icazə verməkdən ehtiyat edir, çünki bu, ölkənin Avropa İttifaqına (Aİ) ixracını zəiflədəcək.
Avropa Mərkəzi Bankı (AMB) və Fed kimi inkişaf etmiş iqtisadiyyatların mərkəzi banklarının son aylarda faiz endirimlərinin yolda olduğuna dair siqnallar verdiyini xatırladan analitiklər, SNB-nin bu gün qəfil faiz azaltma qərarının yəqin ki, spekulyasiyaları artıracağını da vurğulayıblar.
