Ukraynada sərtləşdirilmiş səfərbərlik qanunu qəbul edilib
Ukrayna parlamenti ölkədə hərbi səfərbərlik şərtlərini sərtləşdirən qanun qəbul edib.
Radada səfərbərlik, hərbi qeydiyyat və hərbi xidmətlə bağlı bəzi məsələlərin təkmilləşdirilməsi haqqında qanun layihəsi səsə qoyulub.
Qanun layihəsi 351 deputatdan 283-nün səsi ilə qəbul edilib.
Yanvarda parlamentə təqdim edilən və daha sonra bir çox tənzimləmələrdən keçən qanun layihəsi daha əvvəl səfərbərlik şərtlərini sərtləşdirdiyi səbəbi ilə müzakirələrə səbəb olmuşdu.
Parlamentin qəbul etdiyi yeni qanuna əsasən, səfərbərlik zamanı yaşı 18-dən 60-a qədər olan kişilər hər zaman özləri ilə hərbi qeydiyyat şəhadətnaməsi və hərbi komissarlığın nümayəndəsinin və ya hərbçilərin müraciəti əsasında hərbi qeydiyyat şəhadətnaməsi daşımalı olacaqlar.
Qanun dərc edildikdən sonra hərbi xidmət keçməli olan bütün şəxslər 60 gün ərzində yaşayış ünvanlarını, əlaqə məlumatlarını və hərbi itkilər barədə məlumatları yeniləməli olacaqlar.
Yaşı 18-60 arasında olan hərbi xidmətə məsul olan şəxslər Ukraynanın xarici diplomatik qurumlarında yalnız hərbi uçot məlumatlarını yenilədikdə konsulluq xidməti ala biləcəklər.
Qeyd edək ki, Ukrayna prezidenti Volodimir Zelenski aprelin 2-də parlamentdə səfərbərlik yaşını 27-dən 25-ə endirən qanunu təsdiqləyib.
